8月28日晚, 莎莎放學就join埋小馬去接老公放工, 然後去左食飯、吹吹水之後就上左小馬屋企hea左陣, 一打開門見倒剪左髮嘅天草, 好唔慣呀, 佢應該係長頭髮架嘛~~~~ 坐左一陣, 小馬就拎左老公一早訂好嘅訂糕出黎, wow, blue berry cheess cake, 仲要係lucullus, 有 "I LOVE YOU" 架, 激死小馬呢個單身寡佬, 哈哈哈哈~~~~ 雖然買唔倒雞雞碟, 但係呢個蛋糕真係好好味, 肥就肥啦, 多謝老公, 啜啜啜~~~~ 不過因為食過飯, 即使四個人share一個莎莎都好飽, 係小馬呢個芝士狂徒先可以食得咁快架咋~~~~ 是晚返到屋企都成四點, 係零晨, 好在第二日放假唧!
絕對無可能一個人征服到一個囉
8月29日, 老公同莎莎都放假, 沒有特別節目, 中午起來梳洗吃左早餐後, 就到左沙田LesportSac換袋, 事關老公本來係買左個背嚢俾莎莎架, 不過莎莎唔鍾意個款, 所以扭計要去換, 但係老公買背囊俾莎莎嘅一番心意, 令莎莎好感動, 多謝老公, 你要記住你嘅承諾呀 ^^
結果換左兩個返黎, 仲要補少少錢添, 值嘅值嘅, hehe~~~
之前已經好想要嘅LesportSac款式, 終於入手~~~
附加嘅日本feel款式, 好鍾意, 好在無要黑白色果個唧~~~
而老公嘅禮物就巴閉啦, 自從莎莎買俾佢嘅第一代 ipod nano壞壞地之後, 佢就一直無mp3用, 結果, 莎莎終於買左部想買左好耐俾老公 ipod touch 2nd 16gb 俾佢, 開心到有人差啲...... hehe~~~ 仲係咁touch touch touch 部 ipod, 唔記得touch莎莎添..... 
係沙田換完袋之後, 差唔多六點半, 本身訂左八點係中環食意大利菜, 所以無再逗留就去左搭車, 不過上左架完全未搭過嘅170, 又話有站係銅鑼灣 & 灣仔, 點知過左Time Square就直上香港仔隧道...... 個灣仔站呢?? ...... 之後一出隧道, 莎莎同老公即刻係海洋公園附近落車, 唔係去左置富都唔知點算。落車後, 好快有架中環車, 老公二話不說衝左上去, 連架車去邊都未知, 仲話唔係傻, 哈哈~~ 個司機又懵懵地, 問佢經唔經擺花街, 佢一陣又話經, 一陣又話唔經, 好在後尾個司機都無教錯我地, 叫我地晌Landmark站落左之後, 直行上去就係加咸街, 幾經轉折先去到目的地。
中環加咸街 CENACOLO - 意大利文嘅意思係「燭光晚餐」, 好romantic ^^
入面八成都係外國客人, 全部侍應都係講英文, 好有外國情懷, I like it~~~
意大利菜嘅指定食物, 一坐低就會有架啦
homemade bread + olive oil + black vingear, yummy~~
Salmon + Seafood Green Salad, 配 black vingear + olive oil
味道剛好, 用料好新鮮
White Wine Seafood Pasta x 2
無諗過佢咁好味, white wine將海鮮嘅鮮味完全地帶晒出黎, 好raw, 好fresh
好味到老公忍唔住叫多左一份, 呵呵~~
Roasted Rib Eye 400g - Medium Rare
非常juicy, 燒得剛剛好, 而且個black pepper source都做得很有水準。不過唔知點解整得咁好, 啲肉質都有少許韌, 但係老公又話無乜野噃。反而配菜因為太飽無試, 只係食左少少放係rib eye底下嘅mashed potato。
再加上不錯嘅house white wine & red wine, 好豐富, 超級滿足, 價錢仲好抵添~~
侍應好nice, 還有貼心嘅上菜次序, 下次一定會再去。
食飽飽之後, 梗係要影返張相留念啦, 幾sweet~~~ 
快樂, 往往可能係經歷過好多唔快樂嘅事而累積返黎。今年, 大部份日子都過得唔愉快, 經常吵鬧, 互相猜忌, 但係最後老公同莎莎坐低傾過之後, 決定大家一齊努力, 去實踐大家嘅目標, 好期待呢一刻嘅來臨, 即使還需要一點點時間嘅配合, 莎莎好希望同老公有個幸福嘅將來。
老公, 我愛你
