一年一度嘅書展, 本來諗住唔去, 原因係無乜書想買, 入場費仲要加左價, 貴過舊年$5, 不過, 有一峰簽名會噃, $25 x 2 俾佢啦!

買到啦, 仲拎埋簽名籌, yeah~~~~~~

咩叫「童顏老餅」, 哈哈哈哈~~~~~~
記者朋友影晒相之後, 一峰突然間大叫:「大家想唔想影大合照呀?」
粉絲們:「想!!!!!!!!!」
一峰:「咁就要快啲啦!」
然後, 記者朋友幫我地影左好多大合照, 影影下, 一峰又大叫:「你地睇下, 我啲歌迷唔係拉banner架, 係揸住我本書架!」
哈哈哈哈~~~ 大家一齊笑

莎莎係一峰右邊嘅位置, 雖然張相cut到好細, 多謝蘋果嘅報導, 美好嘅一刻 ^^

6:15pm左右, 簽名會開始! Go Go Go!
排排下隊, 後面嘅兩位女粉絲, 突然遞左幾張紙仔俾莎莎, 莎莎好奇地問有咩用架, 佢地就話唔知係唔係寫自己個名呢, 於是莎莎拎左一張, 再將有剩嘅紙仔遞俾排前面女粉絲們, 同佢地講應該係寫自己個名嘅。前面嘅女粉絲們真係好攪笑, 「美麗可愛嘅XX」 
差不多簽左幾個名嘅時候, 一峰又突然大叫:「大家如果想寫上款, 麻煩你地係張紙仔度寫自己個名呀, 咁樣我會寫得快啲架!」

可愛得意嘅細路仔 (33都黎緊啦 ^^") → 一峰是也

終於到莎莎啦! 好緊張, 從來未試過係書展攞簽名, 咁嘅第一次, 就俾左一峰啦!
一峰:「Hello~」 語畢, 互相對望, 莎莎有啲尷尬..... 咁近見倒自己偶像喎
莎莎:「Hello~ 你本書個封面好正呀!」
一峰:「係呀, 我自己影架, 無用電腦執過架。」
莎莎:「Thank you, thank you!」
然後, 莎莎超開心落返Hall3搵老公, 簽倒啦簽倒啦, 有我個名架, 仲同一峰傾計呀, 好開心好開心呀, yeah~~~~~~

黃昏嘅會展外

戰利品 :  一峰《遊子意外》, 小嫻《吸血盟II - 花開魔幻地》, 高木直子《我的30分媽媽》

見完一峰買完書, 走嘅時候差不多6:30pm, 要再趕下場, 往紅館出發!


天星小輪上, 後面個阿伯, 個樣唔知點咁, 諗緊咩呢, 哈哈~~


8:15pm到達紅館, Brown Gate - VIP區入口
家強 x 阿Paul -- This is Rock N' Roll !!!!!!!!!!!!!!!!!!!!!!

今次個show無世榮, 係唔想俾粉絲們有Beyond演唱會嘅感覺, 雖然有啲美中不足, 但係一樣超正!!!! 俾預期中正好多好多, 好多Beyond嘅歌, 莎莎同老公全晚勁rock, 勁跳, 勁嗌, 幾乎失聲, 加上有VIP區嘅粉絲們一齊fing, 成晚超high, 至正係你地!!!!!

$1100 VIP飛, 超值, 真係好超值!!!!!!!!!!!!!!!!!!

仲有, 呢支價值$20嘅發光棒, 玩左唔夠一陣成支飛到散晒, 然後全部配件執得返、砌得返再fing過, 都係佢超值啲, 哈哈哈哈~~~~~~~ (多謝有份幫我地執返啲散件, 前面嘅男粉絲)

好, 睇相~~~~~~

好難影倒嘅阿賢

支紅白結他, 係家駒架, 對家強好有記念價值

冧歌王出場, 「冷雨夜」, 家強嘅solo越彈越好

舞臺中間嘅位置, 永遠都係留俾家駒嘅

今晚個舞臺好靚

後來相機無電 ~_~" 影唔倒嘉賓明哥, 失策...... 明哥唱「情人」, 前輩即係前輩, 好好feel。

總括今日, 行程好smooth, 時間預計得好好之餘, 仲可以同老公見晒莎莎嘅偶像, 買倒書, 簽倒名, 聽倒concert, 影到靚相, 好耐未試過咁開心, 值回所有票價!