雖然年初五先至黎寫年三十晚嘅事, 係有啲過份, haha～～～～ 不過, 總好過唔寫啦～～～～

話說年三十晚, 老公放工之後, 就同莎莎、豪餅伉麗、發記伉麗首先出左去旺角join埋, 諗住食個飯先再去維園行花市, 其間豪餅提議到「夏雪」, 因為10:30pm後全部壽司、刺身同飲品都半價, 於是我地就揀去左「夏雪」食晚飯啦。

因為半價嘅關係, 經過一輪「喪落order大激戰」之後, , 侍應姐姐好驚訝咁回應:「吓? 十客三文魚壽司? 五客吞拿魚壽司? 五客鰻魚壽司? 兩客雜錦壽司刺身船? 三客海膽壽司? 三客甜蝦壽司? 三客三文魚籽壽司? (下刪飲品)................ 」

落order嘅時候, 大家都覺得無乜特別, 當戰利品一碟一碟咁由侍應哥哥姐姐不斷咁瑞上枱嘅時候, 大家開始好興奮, 完全無意識到要起筷, 係咁影相, 影呀影...... XD

你哋睇, 場面真係好「虛冚」架～～～～ 隔離枱嘅一pair情侶, 仲碌大隻眼添!

 



發記 & Jimmy

Crystal & 豪餅, 莎莎 & 老公

就係咁, 食左餐好開心嘅晚飯之後, 豪餅就揸左佢架愛車, 載住一行六個人, 去左維園行花市。

今年嘅花市, 比往年更遜色...... 不過有朋友一齊行, 梗係開心啦! 幸好今年無落兩, 維園好多人, 總算旺丁, 我地幾個都逼到勁攰, 但係旺唔旺財, 就要各位老闆先知啦!

最後, 各pair人都買到公仔, 而莎莎果個係士多啤梨兔仔攬抌, 可愛いね～～～～

大家行到差唔多凌晨五點先走人, 豪餅再車我地落旺角宵夜。食完宵夜之後, 豪餅竟然主動提議借車俾老公, 仲叫老公揸車, 車佢同Crystal返屋企, 話想試下老公新牌仔手車咁話。老公當場嚇一下嚇:「你講笑咋? 唔係呀嘛?」...... 未試過真正揸車嘅老公, 當然十分緊張啦, 不過莎莎對老公好有信心, 加上有豪餅傍住老公, 絕對無問題。呢個牌, 老公早就應該十年前考左佢啦, keke～～～～ 結果? 當然係安全送左豪餅同Crystal返紅磡, 然後安全送埋發記同Jimmy返上水, 再返返去大埔覺覺豬啦, yeah～～～～ 有車牌嘅男人, 「寧捨不同」, 老公好犀利唷, 啜啜啜啜～～～～ ^^