今年嘅日本語教育研究會一改慣例, 可以在網上預先查核考試成績, 唔須要再等到拎正本成績單先知道結果。2月27號開始, 報考左三級能力試嘅考生, 就可以係官方網頁度登入, 翻查成績。

今個情人節, 同老公無乜特別慶祝嘅節目, 不過果晚就去左睇由Brad Pitt同埋Cate Blanchett主演嘅The Curious Case of Benjamin Button (奇幻逆緣), 最吸引莎莎嘅, 並唔係齣戲嘅故事, 而係Cate係戲入面冷豔嘅角式, 令到莎莎覺得Cate好charm。睇完戲之後就去左板前食壽司, 因為果陣已經差唔多凌晨一點, 所以差唔多「百無」, 就連莎莎最鍾意食嘅珍寶帆立貝都沽清...... 嗚嗚…… 可惡!!

雖然年初五先至黎寫年三十晚嘅事, 係有啲過份, haha～～～～ 不過, 總好過唔寫啦～～～～

話說年三十晚, 老公放工之後, 就同莎莎、豪餅伉麗、發記伉麗首先出左去旺角join埋, 諗住食個飯先再去維園行花市, 其間豪餅提議到「夏雪」, 因為10:30pm後全部壽司、刺身同飲品都半價, 於是我地就揀去左「夏雪」食晚飯啦。

由於平時莎莎都只係會煮啲簡單嘅家常便飯, 所以上個禮拜就整左個唔太普通嘅「星洲炒米」。雖然水準唔似得出面好味嘅茶餐廳大厨炒得咁好, 但係材料同賣相十足, 老公話好好味, 不過勁辣囉~~~~ 

暖洋洋的天氣, 金融海嘯, 燈飾相繼減少, 人潮不再, 令今年的聖誕節在沒有什麼氣氛下, 冷清地過去了。人越成長, 對於節日的感覺越來越薄弱, 還是小時候過節比較快樂。

寫完感想, 便要幫莎莎的聖誕禮物貼上幾張「玉照」, 是好可愛的雞雞啊~~
老公又鬼鬼馬馬地買了兩份禮物, 莎莎已經變了「雞竇掌門人」, 哇哈哈哈哈!!!

12月23日, 再跟老公去了看一峰的「一峰一人一結他 08」, 本來買不到演唱會門票的莎莎, 十分幸運地在Yahoo拍賣見到Yuri割愛轉讓, 還將門票比原價便宜出售, 更專乘來大埔跟莎莎交收, 謝謝妳啊Yuri, 沒有妳的割愛, 莎莎和老公就沒有機會看一峰這場精彩的演出~~

當晚, 放工後匆匆的趕到灣仔Pacific, 跟老公會合, 吃了點東西便過去壽臣山劇院, 由於場地比較細, 擠在二樓及樓梯的人很多, 差不多開場我們才進去。